Լոռու մարզի Լեռնապատ գյուղի ԱԹՍ փորձակայանում` Կարեն Վարդանյանի անվան կրթական հիմնադրամի և Առաջատար տեխնոլոգիաների ձեռնարկությունների միության հետ համատեղ անցկացվել է «Հաւք» ԱԹՍ 2-րդ մրցույթը։
Միջոցառման աջակիցներից է Արտակարգ իրավիճակների նախարարությունը։
Նպատակն է արտակարգ իրավիճակներում փրկարար միջոցառումների արդյունավետության բարձրացման համար անօդաչու թռչող սարքերի կիրառման միջոցով առաջարկել լուծումներ:
Մրցույթն անցկացվել է երեք անվանակարգում՝ դպրոցական, սիրողական և մասնագիտացված։ Մասնակցության 106 հայտ է ներկայացվել: Մասնակից խմբերին, համապատասխանաբար, առաջադրվել են պարզ, միջին և բարդ խնդիրներ՝ տարածքում կողմնորոշում, իրերի հայտնաբերում ու տարբերակում, փաթեթների առաքում, հեղուկ նյութերի սփռում։ Նման խնդիրների լուծումը էապես բարձրացնում է փրկարարի և առաջին արձագանքողի աշխատանքի արդյունավետությունը:
Առավել մանրամասն՝ այստեղ
