Արտակարգ իրավիճակների նախարարի կողմից հաստատված մասնագիտական քննական հանձնաժողովների կողմից ժամանակացույցի եւ ամփոփիչ ատեստավորման կարգի պահանջներին համապատասխան «Ճգնաժամային կառավարման պետական ակադեմիայում» հունիսի 1-11-ը տեղի ունեցավ 2021-2022 ուսումնական տարվա մագիստրոսի կրթական ծրագրի հեռակա ուսուցման թեզերի պաշտպանությունը: Երեք մասնագիտության գծով՝ «Կառավարում (Ճգնաժամային կառավարում)», «Անվտանգությունն արտակարգ իրավիճակներում (Փրկարարական գործ)», «Հոգեբանություն» մագիստրոսական թեզերի պաշտպանությանը մասնակցեց 30 ուսանող: Շրջանավարտներին շնորհվեցին կառավարման, անվտանգության ծառայության, հոգեբանության մագիստրոսի աստիճաններ: 30 շրջանավարտից միայն երեքն ավարտեց գերազանցությամբ:
ՃԿՊԱ-ն ավարտած մագիստրոսներից 11-ն աշխատում է արտակարգ իրավիճակների նախարարության տարբեր ստորաբաժանումներում, մյուսները՝ այլ կազմակերպություններում. ՀՀ պաշտպանության նախարարություն, ՄԱԿ, Հայկական կարմիր խաչ եւ այլն:
Տեղին է փաստել, որ ակադեմիայի գործունեությունը նպատակաուղղված է քաղաքացիական պաշտպանության, արտակարգ իրավիճակներում բնակչության պաշտպանության բնագավառում մասնագետների պատրաստմանը, ուստի եւ շատ լայն է աշխատանքային ոլորտների շրջանակը:
Մեզ հետ զրույցում քննաշրջանի արդյունքներն ամփոփեց ՃԿՊԱ գիտական եւ ուսումնական աշխատանքների գծով պրոռեկտոր, տեխնիկական գիտությունների թեկնածու, դոցենտ Հայկանդուխտ Ղարիբյանը: «Սիրելի մագիստրոսներ, Ձեզ բարի երթ եւ հաջողություններ: Այսօրվանից Ձեզ համար թո՛ղ լինի կյանքի նոր սկիզբ, նորանոր հաջողություններով, ձեռքբերումներով, նվաճումներով», — ասաց պրոռեկտորը:
Արդեն սկսել է մագիստրոսի կրթական ծրագրի 2022-2023 ուսումնական տարվա փաստաթղթերի ընդունելությունը: ՃԿՊԱ մագիստրատուրայում կարելի է սովորել առկա եւ հեռակա ուսուցմամբ հետեւյալ մասնագիտությունների գծով.
- «Կառավարում (Ճգնաժամային կառավարում)»,
- «Անվտանգությունն արտակարգ իրավիճակներում (Փրկարարական գործ)»,
- «Հոգեբանություն»,
- Կիրառական սեյսմոլոգիա,
- Նախնական զինվորական պատրաստություն (Կենսագործունեության անվտանգություն),
- «Իրավագիտություն (Ճգնաժամային իրավունք)»:
Մագիստրատուրայում բոլոր մասնագիտությունների գծով ընդունելությունը հարցազրույցով է: Ակադեմիայում ընդունելությունը շարունակվում է նաեւ հետբուհական կրթության (հայցորդություն) կրթական ծրագրով:
Լրացուցիչ տեղեկությունների համար զանգահարել.
Հեռախոս 060 69-10-00, 060 69-10-00/203
Հասցե՝ ք. Երեւան, Ավան, Աճառյան 1,
Աշխատանքային օրերը՝ երկուշաբթի-ուրբաթ
Ժամերը՝ 8:30 – 18:00
Անհրաժեշտ փաստաթղթեր՝
- Դիպլոմ (դիպլոմի հետ պետք է ներկայացնել նաեւ հավելվածը).
- 4 լուսանկար (3×4 սմ չափսի)
- Անձը հաստատող փաստաթղթի (անձնագիր, զինվորական գրքույկ, ՀՀ հատուկ անձնագիր, կացության վկայական) բնօրինակը եւ պատճենը
- Սոցիալական քարտ
Դիմորդը փաստաթղթերը հանձնում է անձամբ
Ակադեմիան ունի համագործակցության լայն շրջանակ աշխարհի բազմաթիվ առաջատար երկրների բուհերի եւ միջազգային կազմակերպությունների հետ: