Ներքին գործերի նախարարության Ճգնաժամային կառավարման պետական ակադեմիան իրականացնում է 2023-2024 ուսումնական տարվա ընդունելություն հետազոտողի կրթական ծրագրով (ասպիրանտուրա)՝ «Երկրաբնապահպանություն» մասնագիտությամբ:
Հայցորդը մագիստրոսի կամ դիպլոմավորված մասնագետի կրթական աստիճան ունեցող անձն է: Հայցորդությունն իրականացվում է վճարովի հիմունքներով, ուսման տեւողությունը չի գերազանցում 5 տարին:
Հայցորդ ձեւակերպվելու համար անհրաժեշտ պահանջներն են՝
- Երկու տպագրված հոդված ՀՀ ԲՈՀ-ի կողմից հաստատված անվանացանկով
- Մասնագիտական ամբիոնի դրական եզրակացությունը եւ ապագա գիտական ղեկավարի գրավոր համաձայնությունը
- Օտար լեզվի ընդունելության քննություն (անգլերեն, գերմաներեն, ֆրանսերեն)
- Տարեկան վարձավճարը՝ 350 000 դրամ
Հայցորդության ընդունելության անհրաժեշտ փաստաթղթերն են՝
- Դիմում` ՃԿՊԱ ռեկտորի անունով
- Կադրերի հաշվառման անձնական թերթիկ լուսանկարով (3 X 4)
- Դիպլոմների եւ միջուկների կրկնօրինակը (բակալավրիատ, մագիստրատուրա):
- Ինքնակենսագրություն
- Աշխատանքային գրքույկի պատճենը (առկայության դեպքում):
- Երկու տպագրված հոդված ՀՀ ԲՈՀ-ի կողմից հաստատված անվանացանկով:
Հայցորդի լրիվ բեռնվածությունը համարժեք է 180 կրեդիտային միավորի, ներառում է կրթական եւ հետազոտական մասերը: Նա պետք է հանձնի ուսումնական ծրագրով նախատեսված քննությունները, այդ թվում՝ մասնագիտականը, ստուգարքները, կուտակի համապատասխան կրեդիտներ, ավարտի ատենախոսությունը եւ անցկացնի ատենախոսության նախնական քննարկում: Հայցորդը տարեկան 1 անգամ ատեստավորվում է ամբիոնի կողմից:
Մանրամասների համար զանգահարել՝ Հեռ. 060 69 10 00/203, 209
