ՀՀ ներքին գործերի նախարարության փրկարար ծառայության աշխատակիցների վերապատրաստման 2025 թվականի աշխատանքային պլանի համաձայն՝ հունվարի 21-22-ը ՆԳՆ Ճգնաժամային կառավարման պետական ակադեմիայում անցկացվել է «Էլեկտրամոբիլների և հիբրիդային ավտոմեքենաների վթարների դեպքում փրկարարական աշխատանքների առանձնահատկությունները» թեմայով վերապատրաստման դասընթաց, որին մասնակցել է 15 փրկարար ծառայող Երևանի և մարզերի փրկարարական ստորաբաժանումներից։

Տեսական մասի թեմաներն էին՝

  • Էլեկտրական և հիբրիդային ավտոմեքենաների նկարագիրն ու կառուցվածքը,
  • Հրդեհաշիջման աշխատանքների կազմակերպումն ու իրականացումը էլեկտրական ավտոմեքենաների վթարի դեպքում,
  • Էլեկտրական ավտոմեքենաների վթարի դեպքում անվտանգության ապահովումը,
  • Էլեկտրական ավտոտրանսպորտային պատահարների դեպքում փրկարարական աշխատանքների կազմակերպումը և իրականացումը։

Գործնական պարապմունքն անցկացվել է «Տեսլա էներջի» տեխսպասարկման կենտրոնում, որտեղ նրանց ներկայացվել է էլեկտրական մեքենաների հետ անվտանգ աշխատանքի առանձնահատկությունները։

 

Պատրաստեց Անի ԱՆՏՈՆՅԱՆԸ