ՀՀ ներքին գործերի նախարարության փրկարար ծառայության աշխատակիցների վերապատրաստման 2024 թվականի աշխատանքային պլանի համաձայն՝ նոյեմբերի 11-13-ը ՆԳՆ ճգնաժամային կառավարման պետական ակադեմիայում անցկացվել է «Փլուզված շինություններում որոնողափրկարարական աշխատանքներ» թեմատիկայով վերապատրաստման դասընթաց։ Մասնակցել է 15 փրկարար ծառայող Երևանի և մարզերի տարբեր ստորաբաժանումներից։
Տեսական մասի թեմաներն էին՝
- Շինությունների փլուզման հիմնական պատճառները, փլատակների բնութագրերը և հնարավոր վտանգավոր գործոնները,
- Փլուզված շինություններում իրականացվող որոնողափրկարարական աշխատանքների կազմակերպման առանձնահատկությունները,
- Փլուզված շինություններում տուժածների որոնողափրկարարական աշխատանքների իրականացման հիմնական ձևերը և մեթոդները,
- Փլուզված շինություններում որոնողափրկարարական աշխատանքների անվտանգության ապահովման հիմնական պահանջները։
Գործնական պարապմունքներն անցկացվել են Ռուս-հայկական մարդասիրական արձագանքման կենտրոնում։ Փրկարար ծառայողներն իրականացրել են՝
- երկաթբետոնե կառուցատարրերի քանդման, հորատման, տեղաշարժման, ժամանակավոր կայունացման և կտրման գործողություններ,
- տուժածների որոնման և դուրսբերման աշխատանքներ նեղ խորշերից և փլատակներից։
Պատրաստեց Անի ԱՆՏՈՆՅԱՆԸ
Լուսանկարները՝ ՌՀՄԱԿ ֆեյսբուքյան էջից
