ՀՀ ներքին գործերի նախարարության Ճգնաժամային կառավարման պետական ակադեմիայում քաղաքացիական անձանց վերապատրաստումների 2024 թվականի աշխատանքային պլանի համաձայն՝ սեպտեմբերին կազմակերպվել է վերապատրաստման 14 դասընթաց, որոնց մասնակցել է 429 ունկնդիր: ՃԿՊԱ մասնագետներն այցելել են նաև Տավուշի մարզ, մասնավորապես՝
- Նոյեմբերյան խոշորացված համայնք և Կողբ բնակավայրի միջնակարգ դպրոց,
- Իջևան խոշորացված համայնք և Սևքար ու Աչաջուր բնակավայրերի միջնակարգ դպրոցներ,
- Բերդ խոշորացված համայնք և Ներքին Կարմիրաղբյուր բնակավայրի միջնակարգ դպրոց։
Դասընթացներին մասնակցել են նախարարությունների և գերատեսչությունների աշխատակազմերի ստորաբաժանումների ներկայացուցիչներ, քաղաքապետարանների աշխատակազմերի ներկայացուցիչներ, հանրակրթական ուսումնական հաստատությունների տնօրենի տեղակալներ, նախնական զինվորական պատրաստության և անվտանգ կենսագործունեության ուսուցիչներ, նախադպրոցական կրթական հաստատությունների մեթոդիստներ, տնօրեններ և այլք:
ՃԿՊԱ կադրերի պատրաստման և վերապատրաստման ֆակուլտետի դասախոսները ներկայացրել են հետևյալ զեկույցները՝
- «Դպրոցներում աղետների ռիսկի նվազեցման կրթության հարցերը»,
- «Քաղաքացիական պաշտպանության և արտակարգ իրավիճակներում բնակչության պաշտպանության բնագավառներում պատրաստվածության բարձրացման հարցերը»,
- «Երեխաների անվտանգության մշակույթի ձևավորման հարցերը» և այլն:
Պատրաստեց Անի ԱՆՏՈՆՅԱՆԸ
Լուսանկարները տրամադրել են դասախոսները
