«Ճգնաժամային կառավարման պետական ակադեմիայի» անգլերենի դասախոս Աստղիկ Հովհաննիսյանի նախաձեռնությամբ, ՃԿՊԱ բակալավրի կրթական ծրագրի «Փրկարարական գործ» մասնագիտության երկրորդ կուրսի ուսանողները այսօր դասն անցկացրել են Երեւանի բուսաբանական այգում:
Աստղիկ Հովհաննիսյանի խոսքով, դասի թեման Հայաստանի աշունն էր ու աշնանային անտառում այս թեմայով դաս կազմակերպելը թեմայի մատուցումն ու յուրացումը դարձրեց առավել հետաքրքիր: «Անձրեւ էր եկել ու ցուրտ էր, բայց դա մեզ չխանգարեց, ուսանողները տպավորված էին», — նկատեց դասախոսը:
Աստղիկ Հովհաննիսյանն ասաց, որ այսօրինակ դասերը ուսանողների առօրյային նոր շունչ են հաղորդում եւ մտերմանալու միջավայր ձեւավորում:
Լուսանկարը տրամադրել է Աստղիկ Հովհաննիսյանը