Հոկտեմբերի 14-ին եւ 15-ին Վրաստանի մայրաքաղաք Թբիլիսիում կայացած European Grand Prix մաս-ռեստլինգի առաջնությանը մասնակցել է նաեւ ՀՀ արտակարգ իրավիճակների նախարարության «Ճգնաժամային կառավարման պետական ակադեմիայի» դասախոս Յուրի Սաքունցը եւ հերթական անգամ դարձել Եվրոպայի չեմպիոն: Մինչ այս նվաճումը Յուրի Սաքունցն արդեն ուժային եռամարտի աշխարհի եւ Եվրոպայի չեմպիոն, Գինեսի ռեկորդակիր:
Հերթական հաջողության առիթով, ՀՀ արտակարգ իրավիճակների նախարար Արմեն Փամբուխչյանի հրամանով Յուրի Սաքունցը պարգեւատրվել է «Կանխարգելում, օգնություն, փրկություն» մեդալով: Այսօր ՃԿՊԱ ռեկտոր, փ/ծ գեներալ-մայոր Համլետ Մաթեւոսյանը մեդալը հանձնեց Յուրի Սաքունցին:
Ակադեմիայում վստահ են, որ միջազգային տարբեր մրցահարթակներում բարձրացնելով Հայաստանի դրոշը, բարձր պահելով ԱԻ նախարարության հեղինակությունը, Յուրի Սաքունցը ուսանողության համար ոգեշնչման դասեր է տալիս եւ յուրօրինակ ներդրում ունենում աղետների ռիսկի նվազեցման ծրագրերում:
Հ.Գ. Յուրի Սաքունցի այլ հաջողությունների մասին կարդացեք.
Յուրի Սաքունցը կրկնակի գերազանցեց սեփական ռեկորդը
Յուրի Սաքունցը՝ համաշխարհային ռեկորդի հեղինակ
Յուրի Սաքունցի նոր ռեկորդը՝ Գյումրիում
Յուրի Սաքունցի հերթական ռեկորդները
Նոր ռեկորդներ՝ ի հիշատակ Արցախյան պատերազմում զոհվածների
