Արտակարգ իրավիճակների նախարարության «Ճգնաժամային կառավարման պետական ակադեմիայում» ԱԻՆ փրկարար ծառայության ծառայողների 2022 թվականի վերապատրաստման դասընթացների ծրագրի համաձայն,  մայիսի 23-հունիսի 3 ժամանակահատվածում անցկացվում է փրկարար ծառայության Երեւանի փրկարարական վարչության հրշեջ-փրկարարական ջոկատների խմբի պետերի վերապատրաստում, որին մասնակցում է 13 փրկարար: 10-օրյա դասընթացի չորս օրը տեսական դասերն են, մնացած վեց օրը՝ գործնական պարապմունքներ՝ փրկարար ծառայության բժշկական ապահովման վարչությունում, ՃԿՊԱ «Լուսակերտ» գործնական պարապմունքների կենտրոնում:
Դասընթացի թեմաներն են. «Հրշեջ-փրկարարական ջոկատներում տեսական եւ գործնական պարապմունքների կազմակերպման մեթոդական ցուցումներ», «Հրդեհաշիջման ժամանակ հետախուզության իրականացումը», «Փրկարարական աշխատանքներում օգտագործվող փոքր մեխանիզացիայի միջոցների, սարքերի եւ սարքավորումների տեխնիկական սպասարկումն ու խնամքը», «Փրկարար ծառայողների ֆիզիկական պատրաստության նպատակը, խնդիրները, առանձնահատկությունները, իրավական ապահովումը», «Շնչառության համար ոչ պիտանի միջավայրում կատարվող աշխատանքներում կիրառվող շնչառական ապարատներ», «Փլուզված շինություններում փրկարարական աշխատանքների կազմակերպում եւ իրականացում», «Փրկարարական աշխատանքներում կիրառվող ալպինիստական գույքն ու հանդերձանքը», «Առաջին բուժօգնություն», «Անտառային եւ բուսածածկ տարածքներում հրդեհաշիջման կազմակերպում», «Բարձրությունների վրա փրկարարական պարանների օգնությամբ վերելք եւ վայէջք», «Բարձրություններից տուժածների տեղափոխում պարանների օգնությամբ» եւ այլն:

Լուսանկարները տրամադրել են փրկարարները