Մարտի 9-ից ապրիլի 2-ն անցկացվեց ՀՀ արտակարգ իրավիճակների նախարարության Ճգնաժամային կառավարման պետական ակադեմիայի Արտակարգ իրավիճակների եւ ճգնաժամային կառավարման ֆակուլտետի առկա եւ հեռակա ուսուցման բակալավրիատի ավարտական կուրսերի արտադրական պրակտիկան:
Անցած շաբաթ ուսանողները եղել են.
- «Կարեն Դեմիրճյանի» անվան մարզահամերգային համալիրում, ծանոթացել շինության կառուցման պատմությանը, տեխնիկական տվյալներին, տարհանման ելքերին եւ ուղիներին, հրդեհաշիջման համակարգերին, հակահրդեհային սարքավորումներին, ջրավազանին:
- Հայաստանի ատոմային էլեկտրակայանում, ծանոթացել ուսումնավարժական կենտրոնին, Ճգնաժամային կառավարման կենտրոնին եւ քաղաքացիական պաշտպանության ապաստարանին:
- Ազատի ջրամբարում, տեղեկացել ջրամբարի ծավալի, մակերեսի, խորության, հիդրոլոգիական ռեժիմի, ջրափոխանակության ինտենսիվության մասին, ծանոթացել ջրահեռացման համակարգին:
- Ողջաբերդի սողանք գոտում, ծանոթացել ապարների զանգվածային սահաշարժերին եւ լվացման հետեւանքով, ապարների հավասարակշռության խախտման արդյունքներին:
Այս այցերից առաջ ուսանողներն արդեն եղել էին «Սեյսմիկ պաշտպանության տարածքային ծառայությունում»:
Լուսանկարները տրամադրել են ուսանողները