Արմինե Ալեքսանի Հայրապետյան

Ճգնաժամային կառավարման պետական ակադեմիայի ռեկտորի պարտականությունները կատարող, փ/ծ գնդապետ
Ծնվել է 1976 թվականին Երեւանում:
1993 թվականին ավարտել է Երեւանի Գրիգոր Նարեկացու անվան թիվ 137 դրպոցը: 1991-1993 թվականներին ճանաչվել է «Լավագույն աշակերտ», արժանացել Գրիգոր Նարեկացու անվան կրթաթոշակի։
1993-1999 թվականներին սովորել է Երեւանի պետական համալսարանի պատմության ֆակուլտետում, ստացել հնագետի, պատմաբանի որակավորում:

2002 թվականին ուսանել է Ֆրանսիայի Մոնպելյե քաղաքի՝ Եվրոպական Ամառային Համալսարանում, «Հնագույն միջերկրածովյան մշակութային փոխառնչությունները. Հնագիտություն եւ մշակութային մարդաբանություն» ծրագրի շրջանակներում:
Աշխատանքային կենսագրությունը սկսել է 1998 թվականից՝ Երեւանի Գրիգոր Նարեկացու անվան դպրոցում պատմության ուսուցչուհի:
1998 – 2009 ՀՀ գիտությունների ազգային ակադեմիայի հնագիտության եւ ազգագրության ինստիտուտ: Վաղ հնագիտության բաժին, կրտսեր գիտաշխատող:
2001-2005 ՀՀ Գլխավոր դատախազություն: Պատիժների եւ հարկադրանքի այլ միջոցների կիրառման նկատմամբ հսկողություն իրականացնող վարչություն։ Վարչության պետի օգնական:
2005 — 2007 Չիկագոյի համալսարան, մարդաբանության բաժին: Հեռակա հետազոտական օգնական (պրոֆ. Ադամ Թ. Սմիթ), հնագետ:
2010 – 2016 Բարս Մեդիա վավերագրական ֆիլմերի ստուդիա: Հնագետ-խորհրդատու։ «Իմ Բանակը» վավերագրական ֆիլմաշարի գծային պրոդյուսեր:
2009 – 2018 ՀՀ Պաշտպանության նախարարություն: Գլխավոր շտաբի պետի տեղակալի սպասարկման բաժանմունքի ռեֆերենտ, ԶՈՒ կապիտան
2008 – 2022 ԵՊՀ Պատմության ֆակուլտետ: Մշակութաբանության ամբիոնի դասախոս։ Հայաստանի մշակույթը Հին արեւելյան մշակույթների համատեքստում՝ Քարի դարից մինչեւ Վանի թագավորություն
2018 – 2022 ՀՀ Արտակարգ իրավիճակների նախարարություն: Օտարերկրյա պետություններում եւ միջազգային կազմակերպություններում ԱԻՆ ներկայացուցիչ․ Աղետների ռիսկի նվազեցման Սենդայի գործողությունների ծրագրի Հայաստանի ազգային համակարգող:
2023 ապրիլից՝ Ճգնաժամային կառավարման պետական ակադեմիայի ռեկտորի պարտականությունները կատարող։
2015 թվականից «Համաշխարհային պատմություն» եւ «Հայոց պատմություն» է դասավանդում «Արեգնազան» կրթահամալիրի ավագ դպրոցում:
Հեղինակ է շուրջ երկու տասնյակ գիտական հոդվածների եւ համատեղ մենագրությունների։ Հանրային դասախոսություններով հանդես է եկել Հայաստանում, ԱՄՆ-ում եւ Ֆրանսիայում:
Տիրապետում է հինգ օտար լեզվի՝ ռուսերեն, անգլերեն, ֆրանսերեն, արաբերեն, գերմաներեն:
Երգահան, հեղինակ կատարող է, հեղինակել է ավելի քան 100 երգ:

Համլետ Շմավոնի Մաթևոսյան՝ ԱԻՆ Ճգնաժամային կառավարման պետական ակադեմիայի հիմնադիր ռեկտոր (1992-2023)

փ/ծ գեներալ-մայոր, միջազգային կարգի փրկարար, ռազմագիտության դոցենտ:

Ծնվել է 1950 թվականին: 1981 թ.-ից դասավանդում է բարձրագույն ուսումնական մասնագիտական հաստատություններում: ԱԻՆ համակարգում ռեկտորի պաշտոնը զբաղեցնում է 1992 թվականից:

Տարբեր կառույցների կողմից պարգևատրվել է մեկ տասնյակից ավելի մեդալներով, բազմաթիվ պատվոգրերով և շնորհակալագրերով: Հեղինակ է երկու մենագրության, ավելի քան 185 գիտական և գիտամեթոդական աշխատանքների, այդ թվում՝ 6 դպրոցական դասագրքի և 4 ուսուցչական ձեռնարկի համահեղինակ:

Մասնակցել է ԱԻ բնագավառում երեք օրենքների մշակման աշխատանքներին: Հեղինակ է ՀՀ կառավարության 22 որոշումների նախագծերի:

Ռեկտորի պաշտոնում ծառայության սահմանային տարիքը լրանալու կապակցությամբ, 2023 թվականի ապրիլից զբաղեցնում է ՃԿՊԱ բնական գիտությունների ամբիոնի վարիչի պաշտոնը: