ՀՀ արտակարգ իրավիճակների նախարարության ճգնաժամային կառավարման պետական ակադեմիայի մշակույթի կենտրոնի եւ «Նարեկացի» արվեստի միության համագործակցության արդյունքում, միության սրահում ներկայացվեց ՃԿՊԱ մշակույթի կենտրոնի «911» մանկական թատերախմբի «Աղետիկը» երաժշտական-ուսուցողական ներկայացումը: Բեմադրության հիմքում ՃԿՊԱ ռեկտոր, փ/ծ գեներալ-մայոր Համլետ Մաթեւոսյանի «Աղետիկը» մանկական բանաստեղծություններն են, նպատակը՝ «Կրթություն խաղի միջոցով» ձեւաչափով անվտանգության մշակույթի ձեւավորմանը նպաստելը:
Քանի որ այս տարի լրանում է Հովհաննես Թումանյանի եւԿոմիտասի 150-ամյակները, «Աղետիկին» նախորդեց Կոմիտասի «Կաքավիկի» մատուցումը, իսկ ցուցասրահում ներկայացված էին մշակույթի կենտրոնի փոքրիկ նկարիչների հեղինակած գեղանկարները՝ թումանյանական մոտիվներով:
«Աղետիկի» փոքրիկ դերասանները հերթական անգամ խրատեցին.
«Աղետիկից» ինչքան հեռու թե դու մնաք
Այնքան հանգիստ կմեծանաք
Թող չլինեն արհավիրքներ,
Ու թե եղավ, մի հապաղեք,
911 զանգահարեք,
Կգանք, կօգնենք:
«Աղետիկի» բեմելը կայացել է 2016 թվականի մարտին՝ ԱԻՆ ճգնաժամային կառավարման պետական ակադեմիայի սաների մասնակցությամբ՝ Տավուշի մարզի Ազատամուտ գյուղի դպրոցում: Դրանից հետո բեմադրությունը խաղացել են թե ՃԿՊԱ ուսանողները, թե մշակույթի կենտրոնի սաները: Անցած երեք տարում «Աղետիկը» ներկայացվել է տարբեր հաստատություններում: Մասնավորաբար.
Մարի Իզմիրլյանի անվան մանկատանը
ՀՀ ոստիկանության «Երեխայի զարգացման կենտրոնում»
Կոտայքի մարզի Ձորաղբյուր գյուղում
Երեւանի «Զատիկ» երեխաների աջակցության կենտրոնում եւ Կոտայքի ՍՕՍ մանկական գյուղում
«Կրթություն եւ կարիերա 2017» ցուցահանդեսի բացմանը
