Մարտի 4-18-ը ՀՀ արտակարգ իրավիճակների նախարարության ճգնաժամային կառավարման պետական ակադեմիայում վերապատրաստվում են ԱԻՆ փրկարար ծառայության մարզային հրշեջ-փրկարարական ջոկատների հերթափոխի պետերը՝ 15 հոգի: Դասընթացի տեւողությունը 80 ժամ է՝ 36 տեսական, 44 գործնական:
Դասընթացին մասնակցում են նաեւ ՃԿՊԱ հեռակա ուսուցման համակարգի հինգերորդ կուրսի ուսանողները:
Վերապատրաստման գործնական մասի երկրորդ օրվա թեմաներն էին. շնչառական ապարատների բալոնների օդի ճնշման սպառման հաշվարկը, շնչառական ապարատներով շնչառության համար ոչ պիտանի միջավայրում կատարվող փրկարարական աշխատանքների կազմակերպում եւ իրականացում:
Գործնական պարապմունքների առաջին օրվա թեման էր. բարձրությունների վրա փրկարարական աշխատանքների կազմակերպում եւ իրականացում:
